Simptomat

Nëse keni një nga simptomat e më poshtme ju mund të keni një IST:

• rrjedhje nga uretra, vagina ose anusi (e verdhë, e gjelbër, kafe, me erë të keqe ose të gjakosur). Zakonisht është normale të keni rrjedhje nga vagina (rrjedhje vaginale). Nëse rrjedhja ka erë të fortë ose ndryshon ngjyrë, mund të jetë një simptomë e një IST-je;
• ndryshime në lëkurën tuaj: flluska, lytha, puçrra ose rrjedhje mbi/në/rreth penisit, vaginës, anusit ose gojës/fytit;
• dhimbje dhe/ose një ndjesi djegieje kur shkoni në tualet;
• kruajtje e pensit, vaginës, anusit ose qimeve pubike;
• gjakrrjedhje ose dhimbje barku kur kryeni marrëdhënie seksuale (penetrim);
• dhimbje në një ose të dy testikujt (burri);
• gjak në feçet tuaja.

Infeksionet vaginale

Disa simptoma te gratë (rrjedhje, kruajtje të vaginës, ndjesi djegieje gjatë urinimit) mund të shkaktohen nga dy infeksione kërpudhore: kandida ose vaginoza bakteriale.

Ato nuk transmetohen seksualisht (nuk janë IST). Ato janë quajtur infeksione vaginale.

Pyesni mjekun tuaj të familjes për këshillë.

Trajtimi i IST-ve

Simptomat e një IST-je mund të zhduken ndërkohë që ju e keni ende IST-në. Megjithatë ju duhet të trajtoheni. Shumica e IST-ve mund të kurohen ose simptomat e tyre mund të trajtohen.

IST-të mund ta dëmtojnë shumë shëndetin tuaj dhe shëndetin e partnerit tuaj nëse nuk trajtohen. Për shembull: mund ta keni të vështirë të ngelni shtatzënë (shterpësi).

Pyesni mjekun tuaj të familjes për këshillë.