Tentativa e përdhunimit

Sulm i pahijshëm është çdo akt seksual i detyruar pa penetrim dhe në kodin penal përshkruhet si çdo shkelje e integritetit seksual. Viktima nuk jep pëlqimin për këtë akt. Për shembull: prekja pa dëshirë, përkëdhelja ose puthja, detyrimi i një personi të zhvishet ose të tregojë organet gjenitale të tij/saj.
Tentativa e përdhunimit mund të ndodhë pa dhunë fizike apo kërcënime. Për shembull: nëse viktima nuk reziston dhe e lejon të ndodhë sepse ai/ajo ka frikë.

Në Belgjikë, tentativa e përdhunimit ndalohet me ligj.
Dënimi për tentativë të përdhunimit është deri në 20 vite burg, në varësi të:

• seriozitetit të sulmit;
• nëse ka pasur dhunë fizike apo kërcënime;
• moshës së viktimës.

Tentativa e përdhunimit tani përshkruhet si shkelje e integritetit seksual dhe ishte përmendur më parë edhe si shkelje e mirësjelljes .

Përdhunimi

Përdhunimi është pentrimi seksual (oral, vaginal ose anal) pa pëlqim. Të detyrosh dikë të penetrojë tek dikush tjetër është gjithashtu përdhunim. Penetrimi mund të ndodhë me një pjesë të trupit ose me një objekt. Penetrimi nuk ka nevojë të jetë penetrim i plotë dhe mund të jetë penetrim i pjesshëm. Përdhunimi mund të ndodhë pa dhunë fizike apo kërcënime. Për shembull: nëse viktima nuk reziston dhe e lejon të ndodhë sepse ai/ajo ka frikë. Përdhunimi mund të ndodhë edhe brenda një lidhjeje ose martese.

Nuk ekzistojnë kurrë rrethana lehtësuese. Kjo do të thotë se asgjë nuk do të pranohet nga gjykatësi si një justifikim për përdhunim. Për shembull: sjellja e viktimës, si personi është veshur dhe çfarë thotë ose bën asnjëherë nuk janë një justifikim për përdhunim.

Përdhunimi mund të sjellë një dënim me burg deri në 30 vite.

Të kërkosh ndihmë

Është e rëndësishme që të mos prisni për të kërkuar ndihmë. Ndoshta një mik apo dikush që ju besoni mund t'ju ndihmojë.

Mjeku i familjes mund t'ju trajtojë dhe të shkruajë një raport për policinë.

Ju mund të shkoni në polici menjëherë, të bëni një denoncim. Ata janë të detyruar ta respektojnë privatësinë tuaj. Nëse keni frikë për dhunë të mëtejshme, policia mund t'ju mbrojë. Policia është e detyruar t'ju trajtojë në mënyrë të respektueshme dhe korrekte.

Nëse shkoni në polici brenda 72 orëve, ata mund të bëjnë një ekzaminim mjekësor për të gjetur prova për autorin e krimit. Një mjek ose infermiere do të kërkojë spermë dhe gjak, por edhe për gjurmë të tjera nën thonj, në flokë dhe në rroba. Ekzaminimi zgjat 1,5 deri në 2 orë. Policia do të dërgojë mostrat në një laborator për testim. 

Këtë ekzaminim mjekësor mund ta kryeni edhe në një Qendër për Kujdesin ndaj Dhunës Seksuale (Zorgcentrum na seksueel geweld). Ju mund të shkoni atje edhe për ndihmë mjekësore dhe psikologjike dhe për të bërë një denoncim, edhe nëse kanë kaluar 72 orë nga ngjarja. Mund të gjeni të gjitha shërbimet në 1 vend në një Qendër për Kujdesin ndaj Dhunës Seksuale. 

Çdo CAW (Qendër për Mirëqënien e Përgjithshme)  ka një shërbim të veçantë që ju mund ta quani Slachtofferhulp (kujdes ndaj viktimës). Ata mund të vijnë me ju në polici, te një mjek ose një gjykatë. Kur ju shkoni në një CAW, nuk ju duhet të jepni emrin tuaj. Ju mund të merrni ndihmë dhe këshilla në mënyrë anonime dhe pa pagesë.

Sipas ligjit , nëse ju jeni pa leje qëndrimi, policia duhet t'ju trajtojë me të njëjtin respekt  si viktimat e tjera. Megjithatë, policia mund t'ju arrestojë për shkak të statusit tuaj të qëndrimit. Prandaj, është mirë që të shoqëroheni nga një profesionist nga një CAW ose nga një organizatë tjetër sociale ose të shkoni së pari në një Qendër për Kujdesin ndaj Dhunës. .

Nëse gjendeni në një situatë urgjente dhe keni frikë për dhunë të mëtejshme, mund të shkoni te një strehim.

Ndihma për autorët e krimit

Nëse mendoni se keni qenë i dhunshëm në një marrëdhënie ose ndjeni se ka rrezik që ju do të bëheni i dhunshëm ndaj një personi tjetër, ju mund të kërkoni ndihmë nga një CAW. Terapia mund t'ju ndihmojë për të folur për ndjenjat dhe sjelljen tuaj dhe t'ju ndalojë të bëheni të dhunshëm (përsëri).